काठमाडौं । नेकपा (एमाले)का राष्ट्रिय सभा संसदीय दलका नेता देवेन्द्र दाहालले आसन्न निर्वाचनमा देश निर्माण गर्ने राजनीतिक दलहरूलाई विजयी गराउन आम मतदाताहरूलाई आग्रह गर्नुभएको छ ।
शुक्रबार राष्ट्रिय सभाको १९औँ अधिवेशनमा बोल्दै उहाँले सो कुरा बताउनुभएको हो । नेता दाहालले देशलाई ध्वंश बनाउनेहरूलाई मतदान गर्ने कि देश निर्माण गर्नेलाई भन्ने विषयमा नेपाली जनताले सही र सटिक विश्लेषण गरेर मतदान गर्नुपर्ने बताउनु भयो ।
उहाँले देशमा ध्वंश मच्चाउनेहरुलाई निर्वाचनमा विजयी गराउने काम गर्न नहुने समेत बताउनु भयो । नेता दाहालले प्रतिनिधि सभा विघटन असंवैधानिक भएकाले यसको पुनःस्थापनमा जोड दिनुपरेको बताउनु भयो ।
