काठमाडौं । नेपाली कांग्रेसले पार्टीका निवर्तमान सभापति शेरबहादुर देउवाले लामो समय पार्टीमा गर्नुभएको नेतृत्वप्रति आभार व्यक्त गरेको छ ।
शनिबार काठमाडौंमा बसेको पार्टीको नव-निर्वाचित केन्द्रीय कार्य समितिको बैठकले देउवाले पार्टीमा पुर्याउनुभएको योगदानको उच्च कदर गर्दै आभार व्यक्त गरेको हो । उहाँले पार्टीमा पुर्याउनु भएको योगदानको मूल्यांकन गर्दै बैठकले आभार व्यक्त गर्ने निर्णय गरेको पार्टीका प्रवक्ता देवराज चालिसेले जानकारी दिनुभयो ।
त्यसैगरी बैठकले पदमा नरहेर पनि पार्टीमा नेतृत्व प्रदान गर्दै आएका नेताहरू बाटआगामी दिनमा पनि अभिभावकीय भुमिका अझ बढी सक्रिय भएर लाग्न आग्रह गरेको छ । बैठकले कुनै पनि अप्राकृतिक गठबन्धन र सत्ताका लागि सम्झौता नगर्ने प्रतिबद्धता समेत व्यक्त गरेको प्रवक्ता चालिसेले बताउनु भयो ।
बैठकले मुलुकलाई समृद्ध बनाउने नेतृत्व आफूहरूले गर्ने भन्दै साथ दिन पनि सबैमा अपील गरेको छ ।
