काठमाडौं । राष्ट्रिय सुरक्षा परिषद्को बैठकले आगामी फागुन २१ गते हुने निर्वाचनका लागि सेना परिचालन गर्न सरकारलाई सिफारिस गर्ने निर्णय गरेको छ ।
आज सिंहदरबारमा बसेको बैठकले निर्वाचन स्वतन्त्र, निष्पक्ष र भयरहित वातावरणमा सम्पन्न गर्न नेपालको संविधानको धारा २६६ को उपधारा (१) बमोजिम नेपाली सेनाको परिचालन गर्न नेपाल सरकार, मन्त्रिपरिषद् समक्ष सिफारिस गर्ने निर्णय गरेको हो । बैठकले परिषद्को आठौँ वार्षिक प्रतिवेदन (आ.व.०८१/८२) को मस्यौदा आवश्यक संशोधनसहित स्वीकृत गरेको छ ।
