काठमाडाैं । रोमानियाको प्रभोहा काउन्टीको तेतेरानी शहरस्थित एउटा तीन तले होटलमा भएको आगलागीमा दुई नेपालीको मृत्यु भएको छ ।
साेमबार बिहान स्थानीय समयअनुसार सवा ७ बजे भएको आगलागीमा मृत्यु हुनेमा २१ र २४ वर्षीया नेपाली महिला रहेको स्थानीय सञ्चारमाध्यमले जनाएका छन् । उनीहरूको नाम खुलेको छैन । होटलमा रहेका अन्य ३ जना भने सुरक्षित रूपमा निस्कन सफल भएका थिए ।
आपतकालीन सेवाले अग्नि सुरक्षाका मापदण्ड उल्लंघन गरेको पाइएपछि होटल बन्द गरिएको जनाएको छ । होटललाई १ लाख स्थानीय मुद्रा जरिवाना गरिएको छ ।
