गोरखा । गोरखाको चुमनुब्री गाउँपालिका-१ सामागाउँकी स्थानीय २२ वर्षीया छिरिङ डिकी लामाले मनास्लु हिमालको सफल आरोहण गर्नुभएको छ।
लामाले मंगलबार बिहान १० बजेर ५० बजे ८ हजार १ सय ६३ मिटर अग्लो मनास्लु हिमालको आरोहण गरेको बेस क्याम्प फर्किए पछि छिरिङ डिकी लामाले जानकारी दिनुभयो ।
छिरिङले पायोनियर एड्भेञ्चर कम्पनी प्रालिमार्फत् आरोहण गर्नुभएको हो । उहाँ गाउँघरमै घरायसी काम गरेर बस्नुहुन्छ । यसअघि सामागाउँका डिकी ल्हामु, मिङ्मार छिरिङ र नाङ्सल छोदेनले मनास्लु आरोहण गरिसकेका छन् । मनास्लु हिमाललाई किलर माउन्टेन भनेर पनि चिनिन्छ ।
