काठमाडौं । सञ्चार तथा सूचना प्रविधिमन्त्री पृथ्बी सुब्बा गुरूङले पुस्तकालयलाई अनुसन्धान, नवप्रवर्द्धन र सीप विकासको केन्द्रका रूपमा विकास गर्नुपर्ने बताउनुभएको छ ।
पुस्तकालय दिवसको अवसरमा आइतबार काठमाडौंमा आयोजित कार्यक्रममा मन्त्री गुरूङले पुस्तकालय अध्ययनका स्थल मात्र नभई नागरिक चेतना जगाउने केन्द्र र परिवर्तनको प्रेरणा श्रोत रहेको पनि बताउनु भयो ।
ग्रामीण क्षेत्रका पुस्तकालयमा कम्प्युटर, इन्टरनेट, डिजिटल प्रणाली र मोबाइल पुस्तकालय जस्ता सुविधाले सूचना पहुँचको खाडल पुरेको उहाँको भनाइ् छ । उहाँले कानूनी संरचना, पर्याप्त लगानी र प्रविधिको कमीका कारण पुस्तकालय अझै पूर्ण क्षमतामा पुग्न नसकेको पनि बताउनु भयो ।
सरकार, स्थानीय तह र समुदाय मिलेर पुस्तकालयहरुको सुधार गर्दै पठन संस्कृतिको विकास गर्नुपर्ने पनि मन्त्री गुरूङले बताउनुभयो ।