काठमाडौं । सरकारले उखु किसानसँग गरेको वार्ता निष्कर्षविहीन भएको छ ।
कृषि तथा पशुपन्छी विकास मन्त्रालयमा बिहीबार साँझ भएको वार्तामा किसानले प्रतिक्विन्टल ७० रुपैयाँ अनुदान दिनुपर्ने माग दोहोर्याएपछि वार्ता विनानिष्कर्ष सकिएको किसानका प्रतिनिधि उमेशचन्द्र यादवले जानकारी दिनुभयो ।
बैठकमा सहभागी कृषि मन्त्रालयका सहसचिव ललन सिंहले प्रोत्साहन रकम दिन अर्थ मन्त्रालय र प्रधानमन्त्री कार्यालयको अनुमति चाहिने बताउनुभएको थियो । किसानका प्रतिनिधिहरुले मन्त्री स्तरको बैठकको माग गरेका छन् ।
