काठमाडौं । फोन पे क्युआर र अली पे प्लसबीच अन्तरदेशीय भुक्तानी सेवाका लागि सहकार्यको घोषणा भएको छ ।
बिहीबार काठमाडौंमा आयोजित एक कार्यक्रमबीच फोन पे क्युआर र अली पे प्लसबीच सहकार्यको घोषणा गरिएको हो । यो सम्झौतासँगै अली पे प्लसका प्रयोगकर्ताले नेपालमा फोन पे क्यूआरमार्फत भुक्तानी गर्न सक्नेछन् । अली पे प्लस चीन, फिलिपिन्स, मलेसिया, दक्षिण कोरिया, थाइल्यान्ड, इन्डोनेसिया लगायतका देशका ई-वालेट र मोबाइल बैंकिङमार्फत् अन्तरदेशीय भुक्तानी सेवा प्रदान गर्ने प्रणाली हो भने फोन पे नेपालमा सबैभन्दा बढी प्रयोग हुने क्यूआर पेमेन्ट हो ।
बिहीबार फोन पे का प्रमुख कार्यकारी अधिकृत दिवसकुमार सापकोटा र अली पे प्लसका दक्षिण एसिया र दक्षिणपूर्वी एसिया महाप्रबन्धक एडवार्ड यूले संयुक्त रुपमा सम्झौताको घोषणा गरेका हु्न् ।
