लुम्बिनी विकास कोष कर्मचारी युनियनले कोष कार्यालयका विभिन्न शाखामा लगाएको ताला २७ दिनपछि सोमबार खोलेका छन् । तर, लेखा शाखामा लगाएको ताला खोलिएको छैन् ।
कर्मचारी युनियन उपाध्यक्ष सलाउद्दीन मुसलमानको अध्यक्षतामा लुम्बिनीमा बसेको बैठकले काठमाडौंस्थित पर्यटन मन्त्रालयमा भएको वार्ता सकारात्मक परिणाम दिने तर्फ केन्द्रीय भएकाले कार्यालयमा लगाएको तालाबन्दी खोल्ने निर्णय गरेको थियो ।
बैठकलगत्तै कोष वरिष्ठ प्रशासकिय अधिकृत चुडामणी भट्टराईको उपस्थितीमा कर्मचारी युनियनका पदाधिकारीले ताला खोलेका थिए । साेमबार ताल खोलेर कर्मचारीले मिठाई बाडेर खुसीयाली मनाएका थिए ।
कतिपय कर्मचारी आजबाटै कार्यकक्षमा बसेर कामकाजमा लागेका छन् । कर्मचारी युनियनले साउन ८ गतेबाट विरोध कार्यक्रम सुरू गरेर साउन १३ गतेदेखि लुम्बिनी विकास कोष प्रधान कार्यालयमा तालाबन्दी गरेर पुरै कामकाज ठप्प गरेका थिए ।
कोषका लेखा प्रमुखको गैरजिम्मेवारी देखिएकाले उहाँको सरूवा हुनु पर्ने माग पूरा नभएकाले लेखा शाखामा लगाईएको तालाबन्दी नखोलिएको कर्मचारी युनियन सदस्य अब्लु अहद खाले बताउनुभयाे ।
