काभ्रे । काभ्रेको रोशी गाउँपालिका -९ पिन्थली र - ११ माम्तीमा खहरे खोलाको लेदो र भेलका कारण हिजो रातिदेखि बन्द भएको सडक सुचारु भएको छ।
बिपि राजमार्गको दुई स्थान (पिन्थलीमा खहरे खोलाको लेदो पस्दा र राति साँढे १० बजेतिर माम्ती खोलामा आएको भेलले) अवरुद्ध सडकको अवरोध हटाइएसंगै सवारी आवागमन पूर्णरूपमा सञ्चालनमा आएको हो ।
लगातारको वर्षा र खोलामा आउने आकस्मिक लेदो तथा भेलका कारण बिपि राजमार्गमा जोखिम बढ्दै गएकाले स्थानीय प्रशासनले यात्रुहरूलाई सतर्क रहन आग्रह गरेको छ ।
