काठमाडौं । गत वर्ष शौर्य एअरलाइन्स दुर्घटनामा परी मृत्यु भएकाका परिवारले उडान र दुर्घटना जाँच आयोग गैरकानुनी भएको भन्दै दोषीलाई कारबाही गर्न माग गरेका छन् ।
३४ दिनदेखि ग्राउन्डेड विमानलाई सी-चेकका लागि पोखरा उडाउनुपूर्व उडान निर्देशिका पालना नगरिएको भन्दै दोषीलाई कारबाही गर्न पीडित परिवारले माग गरेका हुन् । विमान कम्पनीका कर्मचारी भन्दै ऊर्जा मन्त्रालयका कर्मचारी र ४ वर्षीय बालकलाई समेत निर्देशिका विपरीत उडानमा राखिएको उनीहरूको भनाइ छ । यस्तै जाँच आयोगका सदस्यसचिवको योग्यता नुपुगेको पीडित परिवारको आरोप छ ।
२०८१ साउन ९ गते त्रिभुवन अन्तर्राष्ट्रिय विमानस्थलमा शौर्य एअरलाइन्सको सीआरजे-२०० विमान दुर्घटना हुँदा १८ जनाको मृत्यु भएको थियो । जसमा १६ जना एअरलाइन्सका कर्मचारी थिए भने दुई जना गैरकर्मचारी थिए ।
