काठमाडौं । बहुमूल्य हिमाली जडिबुटी यार्सागुम्बा टिप्ने सिजन सुरु भएको छ ।
कर्णाली अञ्चलको डोल्पा, हुम्ला, जुम्ला र मुगु लगायतका जिल्लाका बासिन्दाहरू यार्सा टिप्न लेकतिर हिड्ने क्रम सुरु भएको हो ।
डोल्पाको काइके गाउँपालिकामा पनि यार्सा टिप्न वन क्षेत्र खुला गर्ने निर्णय भएको छ । नावरपानी सामुदायिक वन उपभोक्ता समूहले जेठ १० गतेदेखि यार्सागुम्बा टिप्न वन क्षेत्र खुला गर्ने निर्णय गरेको समूहका अध्यक्ष सुरेश बुढाले कान्तिपुर समाचारलाई जानकारी दिनुभयो ।
सिजन सुरु भएपछि स्थानीहरू बन्दोबस्तीका सामानसहित यार्सागुम्बा टिप्न लेकतिर जाने गर्छन् । डोल्पाका अन्य क्षेत्रमा पनि यार्सा खोज्न लेकतर्फ जानेक्रम सुरु भैसकेको पनि अध्यक्ष बुढाले बताउनुभयो ।
