काठमाडौं । नवलपुर भ्याली स्कुलले कान्तिपुर टेलिभिजनकी सिन्धुपाल्चोक संवाददाता कमला पाख्रिनलाई सम्मान गरेको छ । पत्रकारिताका माध्यमबाट विपद्मा स्थलगत रिपोर्टिङ, शिक्षा, स्वास्थ्य र सिन्धुपाल्चोकको पर्यटन प्रवर्द्धनमा सहयोग पुर्याएकामा सम्मान गरेको हो ।
आम नागारिकले भोगेका जोखिमपूर्ण सडक यात्रा, किसानले मल नपाउँदाको दुःख, स्वास्थ्यसेवाको पहुँचबाट टाढा नागारिकका मर्का र तातोपानी नाकाको समस्याको विषयमा सरोकारवालालाई समाचार मार्फत खबरदारी गरेको र जिल्लाको पर्यटकीय क्षेत्रको प्रचार प्रसारले पर्यटनमा टेवा पुगेको सम्मान कार्याक्रमका संयोजक सरोज ढुंगानाले बताउनुभयो ।
पाख्रिन सहित भ्याली स्कुलको अविभावक दिवस, दीक्षान्तर सम्मान समरोहमा शिक्षातर्फ दुर्गा थापा, कलकारितातर्फ कृष्णप्रसाद धिताल र साहित्यबाट देवीप्रसाद चापागाईं सम्मानित भएका छन् ।
