सिन्धुली । मदनभण्डारी लोकमार्ग अन्तर्गत सिन्धुलीको दुधौली नगरपालिका-४ एकहटियामा मोटरसाइकल र इभी गाडी एकआपसमा ठक्कर खाँदा गम्भीर घाइते भएका मोटरसाइकल चालकको उपचारकाक्रममा मृत्यु भएको छ ।
विहीबार बिहान भएको दुर्घटनामा परि मोटरसाइकल चालक तीनपाटन गाउँपालिका १० औलका २६ वर्षीय प्रेम रानामगरको मृत्यु भएको प्रहरीले जनाएको छ । इभीमा सवार १० जना घाइते भएका र उनीहरुको सिर्थौली नगर अस्पतालमा उपचार भइरहेको छ ।
उदयपुरबाट काठमाडौं जादै गरेको वा-प्र ०३-०१-४४५ नं को इभी गाडि र डकाहाबाट दुघौलीतर्फै जाँदै गरेको प्र २-००१-प७०११ नं मोटरसाइकल एकआपसमा ठक्कर खाएर दुर्घटना भएको थियो ।
सामान्य घाइते अवस्थाका इभी चालकलाई नियन्त्रणमा लिएको सिन्धुली प्रहरी प्रमुख एसपी गोविन्दराज काफ्लेले जानकारी दिनुभयाे ।
