खोटाङ । खोटाङबाट काठमाडौं जाँदै गरेको सुमो दुर्घटना भएको छ । सिद्धिचरण राजमार्ग अन्तरगत ओखलढुंगाको मानेभञ्ज्याङ गाउँपालिका-७ भडारेखोलामा सुमो दुर्घटना भएको हो ।
गए राति बिरामी लिएर हिँडेको ना१ज ६४२१ नम्बरको सुमो सडकबाट करिब एक सय मिटर तल खसेको छ । सुमोमा सवार खोटाङ केपिलासगढी गाउँपालिका-३ बस्ने ५६ वर्षीया मायादेवी गुरुङ, उनका छोरा वर्ष २८ को पुजन गुरुङ र दिक्तेल रूपाकोट मझुवागढी नगरपालिका-१२ बस्ने ४५ वर्षीया तारा गुरुङको मृत्यु भएको जिल्ला प्रहरी कार्यालय खोटाङका प्रहरी नायब उपरीक्षक प्रतीक विष्टले जानकारी दिनुभयो ।
सुनसरी इनरुवा नगरपालिका-२ बस्ने २८ वर्षीय सुमो चालक अनिल पण्डित फरार रहेको र उनको खोजी कार्य भइहेको प्रनाउ विष्टले बताउनुभयो । घटनास्थलमा प्रहरी चौकी हर्कपुर ओखलढुंगाको टोली पुगिसकेको र थप छानबिन भइरहेको बताइएको छ ।
