सिरहा । मधेश आन्दोलनका प्रथम शहीद रमेश महतो सहितका शहीदहरूको सालिकमा नेताहरूले माल्यार्पण गरेका छन् । लहानस्थित शहीद चोकमा रहेको सालिकमा जनता समाजवादी पार्टी, नेपालका अध्यक्ष उपेन्द्र यादव सहित उपाध्यक्ष राजकिशोर यादव, सचिव सुरेश मण्डल लगायतका नेताहरूले माल्यार्पण गर्नुभएको हो ।
महतो मधेश आन्दोलनका प्रथम शहीद हुनुहुन्छ । आन्दोलनका क्रममा २०६३ माघ ५ गते प्रहरीको गोली लागेर उहाँको मृत्यु भएको थियो । उहाँको मृत्यु भएसँगै आन्दोलन चर्किएको थियो ।
त्यसयता प्रत्येक वर्ष माघ ५ गतेलाई मधेश केन्द्रित दलहरूले बलिदान दिवसका रूपमा मनाउने गरेका छन् । आजको दिन ती दलहरूले विभिन्न कार्यक्रम पनि आयोजना गरेका छन् ।
.png&w=400&height=300)
