सोलुखुम्बु । जिल्लाको सोलुदूधकुण्ड नगरपालिका-२ थुम्लिङमा भएको आगलागीमा परी एक जनाको मृत्यु भएको छ । मृत्यु हुनेमा माप्य दूधकोशी गाउँपालिका वडा नम्बर १ का अन्दाजी ४० वर्षका नवराज खालिङ रहेका छन् ।
जिल्ला प्रहरी कार्यालय सोलुखुम्बुका प्रहरी नायब उपरीक्षक द्वारिकाप्रसाद घिमिरेका अनुसार स्थानीय बलबहादुर नेवारको गोठमा आगलागी हुँदा गए राति १२ बजे खालिङको ज्यान गएको हो । खालिङ बेवारिसे अवस्थामा बस्दै आएका थिए ।
बिहीबार राति सोही गोठमा बसेका खालिङले चुरोट खाने क्रममा आगलागी भएको हुनसक्ने अनुमान गरिएको छ । घटनाका विषयमा थप अनुसन्धानका लागि बिहान प्रमुख जिल्ला अधिकारी अनोजकुमार घिमिरे, प्रहरी नायब उपरीक्षक घिमिरे र चिकित्सक सहितको टोली घटनास्थल पुगेको प्रहरीले जनाएको छ ।
