डोटी । इलाका प्रहरी कार्यालय बीपीनगरमा कार्यरत प्रहरी सहायक हवल्दार बहादुरसिंह पालीको ड्युटीका क्रममा मृत्यु भएको छ ।
जिल्ला प्रहरी कार्यालय डाेटीका प्रहरी उपरीक्षक विनाेद शर्माका अनुसार बुधबार बिहान ३ बजेर १५ मिनेट जाँदा ड्युटीकै क्रममा रहँदा एक्कासि छाती दुखेर बेहोस भएपछि उनलाई उपचारका लागि तत्कालै स्थानीय बीपीनगर पोलिक्लिनिकमा पुर्याइएको थियो । त्यहाँ सामान्य चेकजाँचपछि थप उपचारको लागि बिहान ४ बजे सेती प्रादेशिक अस्पताल, धनगढी रिफर गरिएकामा अस्पतालले उनलाई बिहान ६:४० मा मृत घोषणा गरेको थियो ।
मृतक पालीको स्थायी घर डडेल्धुरा जिल्लाकाे भागेश्वर गाउँपालिका–५ रूपालमा रहेको छ । पालीको मृत्युको कारण पोस्टमोर्टम रिपोर्ट आएपछि मात्र थाहा हुने प्रहरी उपरीक्षक शर्माले बताउनुभयो ।
