उदयपुर । उदयपुरमा बितेको एक वर्षमा मानवअधिकार उलङ्घन र ज्यादतीका ७ सय ४४ घटना भएका छन् ।
मानवअधिकार वर्ष पुस्तक प्रकाशन पूर्व अनौपचारिक क्षेत्र सेवा केन्द्र इन्सेकले आज सार्वजनिक गरेको अभिलेखअनुसार सन् २०२४ मा घरेलु हिंसा ५ सय ३६, बालिका बलात्कार प्रयास तथा यौनजन्य दुर्व्यवहारका ७२ र बहुविवाहका १८ घटना रहेका छन् ।
त्यस्तै हत्या, हत्या प्रयास र अङ्गभङ्ग ३१, कुटपिट २८, बालविवाह १४ र मानवबेचविखन तथा अपहरणका ९ वटा घटना रहेको इन्सेक उदयपुरले जनाएको छ ।
