मोरङ । मोरङको सुन्दरहरैचामा हात्तीको आक्रमणबाट एक महिलाको मृत्यु भएको छ ।
जिल्ला प्रहरी कार्यालय मोरङका अनुसार शुक्रबार बिहान सुन्दरहरैचा नगरपालिका-७ स्थित सिर्जना सामुदायिक वन उपभोक्ता समितिको जंगलमा दाउरा खोज्न गएकी स्थानीय ४० वर्षीय गंगा श्रेष्ठको हात्तीको आक्रमणबाट मृत्यु भएको हो । जंगली हात्तीको आक्रमणमा परी घाइते भएकी श्रेष्ठलाई प्रहरीले उद्धार गरी उपचारका लागि नोबेल मेडिकल कलेज विराटनगर पठाएका थिए । तर अस्पताल पुर्याए लगत्तै चिकित्सकले उनलाई मृत घोषित गरेका थिए ।
