रामेछापमा जिप दुर्घटना हुँदा वडाध्यक्षसहित ५ जनाको मृत्यु, ३ जना घाइते

रामेछाप । रामेछापमा जिप दुर्घटना हुँदा ५ जनाको मृत्यु भएको छ । दुर्घटनामा परि ३ जना घाइते भएका छन् ।

काठमाडौंबाट गोकुलगंगा गाउँपालिका-३ रस्नालु जाँदै गरेको त्रिवेणी यातायातको ना १ ज ७१२३ नम्बरको जिप फर्पुमा दुर्घटना वडाध्यक्षसहित ५ जनाको मृत्यु भएको जिल्ला प्रहरी कार्यालय रामेछापका प्रमुख डीएसपी प्रदीपकुमार सिंहले जानकारी दिनुभयो ।

मृत्यु हुनेमा गोकुलगंगा-४ का वडाध्यक्ष रामचन्द्र बस्नेतको सनाखत भएको प्रहरीले जनाएको छ । 

यस्तै प्रहरीका अनुसार दुर्घटनामा परि मृत्यु हुनेमा बस चालक हिराबहादुर कार्की पनि रहेको र अन्यको पहिचान खुल्न बाँकी छ ।  बस सडकबाट धेरै तल खसेको प्रहरीको भनाइ छ ।