दाङ । घोराहीबाट तुलसीपुरतर्फ जाँदै गरेको बस विजौरीमा दुर्घटना हुँदा १७ जना घाइते भएका छन् । घाइतेमध्ये तीन जनाको अवस्था गम्भीर छ ।
रा१ख १३८२ नम्बरको यात्रुवाहक बस ओभरटेक गर्ने क्रममा तुलसीपुर-१८ डाँडागाँउमा दुर्घटना हुँदा १७ जना घाइते भएको इलाका प्रहरी कार्यालयका प्रहरी नायब उपरीक्षक अनिल ठकुरीले जानकारी दिनु भयो । बसमा ३६ जना सवार रहेको र घाइतेहरूको राप्ती प्रादेशिक अस्पताल तुलसीपुरमा उपचार भइरहेको प्रहरी नायब उपरीक्षक ठकुरीले जानकारी दिनु भयो ।
