कालीकोट । पलाँता गाउँपालिका-३ को राडीनिजक जीप दुर्घटना हुँदा ५ जनाको मृत्यु भएको छ । दुर्घटनामा परी १३ जना घाइते भएका छन् ।
गाउँपालिकाका ग्रामीण सडकमा सञ्चालन हुने कर्णाली प्रदेश ००१ ज ५६ नम्वरको जीप दुर्घटना भएको हो । जीप करिब एक सय मिटर तल खसेको प्रहरीले जनाएको छ ।
दुर्घटनामा ५ जनाको मृत्यु भएको जिल्ला प्रहरी कार्यालय कालीकोटका डीएसपी टेकबहादुर रावतले पुष्टि गर्नु भयो । दुर्घटनामा घाइते भएकाहरु गम्भीर अवस्थामा रहेकाले मृतकको संख्या बढ्न सक्ने रावतको भनाइ छ । घटना स्थलमा नेपाल प्रहरीसहितको टोली उद्धारका लागि खटिएको छ ।
