बाकु । जलवायु परिवर्तनसम्बन्धी संयुक्त राष्ट्रसंघीय महासन्धीका पक्षराष्ट्रहरूको २९ औँ सम्मेलन (कोप–२९) को तयारी अन्तिम चरणमा पुगेको छ ।
अजरबैजानको राजधानी बाकुमा कात्तिक २६ देखि मंसिर ७ गतेसम्म हुने जलवायुसम्बन्धी शिखर सम्मेलनको सबै तयारी पूरा भएको जनाइएको छ ।
यसपटक कोप सम्मेलनमा नेपाली प्रतिनिधिमण्डलको नेतृत्व राष्ट्रपति रामचन्द्र पौडेलले गर्ने तय भएको छ । उक्त टोलीमा वन तथा वातावरणमन्त्री ऐनबहादुर शाही ठकुरी लगायतको सहभागीता रहनेछ ।
सम्मेलनमा नेपालले यसपालि जलवायु परिवर्तनमा नकारात्मक योगदान गर्ने राष्ट्रहरुबाट पाउनुपर्ने क्षतिपूर्तिका बारेमा विशेष जोड दिने भएको छ ।
पौडेलले राष्ट्रपतिले जलवायु क्षेत्रको विषयमा लगातार अन्तरिक र बाह्य रुपमा नेपालमा यसबाट परेको असर र पाउनुपर्ने क्षतिपूर्तिको बारेमा कुरा उठाउँदै आइरहनु भएको छ ।
