संखुवासभा । संखुवासभामा टिपर दुर्घटना हुँदा अरुण तेस्रो जलविद्युतमा कार्यरत २ जना भारतीय मजदुरको मृत्यु भएको छ । दुर्घटनामा २ जना भारतीय घाइते भएका छन् ।
मकालु गाउँपालिका–५ फ्याक्सिन्दा दोभानमा एचपी ११–४९३३ नम्बरको टिपर बुधबार राति दुर्घटनामा परेको संखुवासभा प्रहरी प्रमुख डीएसपी दक्षकुमार बस्नेतले जनाकारी दिनुभयो ।
टिपर सडकबाट करिब ५० मिटर तल खसेको थियो ।
दुर्घटनामा ज्यान गुमाउनेमा टिपर चालक भारतीय नागरिक ५७ वर्षीय शैलेन्द्र प्रताप सिंह र टिपरमा सवार २९ वर्षीय सारुक महमद रहेको जानकारी डीएसपी बस्नेतले दिनुभयो ।
