ललितपुर । ललितपुरको नख्खुखोलामा आएको बाढीबाट प्रभावितहरुले विपद्का बेला सरकारको अनुभूति गर्न नपाएको गुनासो गरेका छन् । उनीहरुले तत्काल राहतको व्यवस्था गर्न माग गरेका छन् ।
खोला छेउ भाडामा जग्गा लिएर अस्थायी टहरा बनाएर विभिन्न व्यवसाय गर्दै आएका उनीहरुको लाखौँको धनमाल बाढीले बगाउँदा पनि सरकारले नहेरेकोमा आक्रोस व्यक्त गरे । ललितपुर महानगरपालिकाले समेत कुनै वास्ता नगरेको उनीहरुको गुनासो छ ।
विस्थापित भएकाहरु अहिले आफन्तको शरण लिएर बसेका छन् । उनीहरुले उनीहरुले तत्काल अस्थायी आवास र खानालगायतका राहतको व्यवस्था गर्न माग गरेका छन् ।
नख्खु खोलामा आएको भीषण बाढीले किनारामा अस्थायी टहरा बनाएर विभिन्न व्यवसाय गर्दै आएकाहरुको उठिवास भएको हो ।
