काठमाडौं । सरकारद्वारा श्रीलंकाका लागि प्रस्तावित राजदूत रामकृष्ण भट्टराईले नाम फिर्ता लिनु भएको छ ।
भट्टराईले व्यस्तताको कारण जनाउँदै राजदूत नियुक्तिको प्रक्रियाबाट नाम फिर्ता लिने निवेदन दर्ता गराएको संसदीय सुनुवाइ समितिले जनाएको छ ।
समितिको आजको बैठकले प्रस्तावित राजदूतले नाम फिर्ता लिने निवेदन दिएकोले थप निर्णय लिन नपर्ने निष्कर्ष निकालेको छ । भट्टराईलाई राजदूतमा सिफारिस गरेको आज ४५ दिन पुग्दैछ ।
