काठमाडौं । प्रधानमन्त्री केपी शर्मा ओलीले संवैधानिक परिषद्को बैठक बोलाउनु भएको छ ।
प्रधानमन्त्री ओलीले बेलुका ५ बजे बस्ने गरी बैठक बोलाउनु भएको हो । बैठकमा प्रधानन्यायाधीश सिफारिसको विषयमा छलफल हुने बताइएको छ ।
प्रधानमन्त्री ओलीले सत्ता गठबन्धनको बैठकमा संवैधानिक परिषद्का सदस्य उपसभामुख इन्दिरा राना मगरलाई पदबाट हटाउने प्रस्ताव गर्नुभएको चर्चा चलिरहेको समयमा परिषदको बैठक बोलाएको हो । मंगलबारको प्रतिनिधि सभा बैठकमा पनि नेकपा (एमाले) का सांसदहरूले उपसभामुख रानालाई राजीनामा दिएर मार्ग प्रशस्त गर्न आग्रह गरेका थिए ।
संवैधानिक परिषदमा प्रधानमन्त्री, सभामुख, राष्ट्रिय सभा अध्यक्ष, प्रधानन्यायाधीश र प्रमुख प्रतिपक्षी दलका नेता र उपसभामुख रहने व्यवस्था छ ।
