काठमाडौं । प्रधानमन्त्री केपी शर्मा ओलीको अमेरिका भ्रमण आजको मन्त्रिपरिषदले स्वीकृत गरेको छ ।
सिंहदरबारमा आज बसेको बैठकले राष्ट्र संघको महासभामा भाग लिन प्रधानमन्त्री ओलीको नेतृत्वमा जाने टोलीलाई स्वीकृति दिने निर्णय गरेको छ । टोलीमा परराष्ट्रमन्त्री आरजु राणा, प्रधानमन्त्री ओलीका प्रमुख राजनीतिक सल्लाहकार विष्णु रिमाल लगायत छन् ।
भदौ २५ देखि असोज १२ सम्ममा अमेरिकाको न्यूयोर्कमा राष्ट्र संघको महासभा हुँदैछ ।
यसैगरी मन्त्रिपरिषद्ले पाराओलम्पिक पदक विजेता पलेशा गोवर्धनले नियम अनुसार नै पाउने ६५ लाख रुपैयाँ दिने निर्णय पनि गरेको छ । प्रशिक्षक कविराज नेगी लामालाई पाँच लाख पाउनेछन्।
