काठमाडौं । काठमाडौं महानगरपालिकाले बाँसबारीस्थित चाँदबाग स्कुलले अतिक्रमण गरेको जग्गा खाली गराउन भन्दै थप सात दिनको समय दिएको छ ।
महानगरको प्रहरी बल आज चाँदबाग स्कुलको जग्गा खाली गराउन बाँसबारी पुगेको थियो । दुई दिनभित्र खाली गराउन टोलीले माइकिङ समेत गरेको थियो ।
तर विद्यालय पक्षले जग्गा खाली गर्न केही दिन मागेपछि बढीमा सातदिनको समय दिइएको महानगर श्रोतले जनाएको छ । समय थपिएपछि चाँदबाग पुगेको नगरप्रहरीको टोली त्यहाँबाट फर्किएको हो ।
