काठमाडौं । नेपालका लागि चिनियाँ राजदूत चेन सोङले नेपाल र चीन दुई देशले साझा हितको रक्षा गर्दै आएको बताउनु भएको छ ।
राजदूत सोङले चिनियाँ नेता माओत्सेतुङसँग बीपी कोइराला र पूर्वराष्ट्रपति विद्यादेवी भण्डारीसँग चिनियाँ राष्ट्रपति सी चिनपिङले हात मिलाएको फोटो राख्दै नेपाल-चीन सम्बन्धको ६९ औँ वर्षको अवसरमा शुभकामना दिनु भएको हो ।
सामाजिक सञ्जालमा उहाँले ६९ वर्षदेखि नेपाल र चीनले एक अर्कालाई दृढताका साथ सहयोग गर्दै आएको पनि बताउनु भएको छ । त्यस्तै उहाँले दुई देशको साझा हितका लागि अन्तर्राष्ट्रिय निष्पक्षता र न्यायलाई समर्थन गरेको उल्लेख गर्नुभएको छ ।
