जनकपुर । भारतमा बन्धक बनाएर राखिएका २८ नेपाली मजदुरलाई उद्धार गर्दै परिवारको जिम्मा लगाइएको छ ।
रोजगारी दिने प्रलोभनमा पारेर धनुषाका ७ र सिरहाका २१ गरी २८ नेपालीलाई भारतको कश्मीरबाट उद्धार गरी परिवारको जिम्मा लगाइएको हो । भारतका सामाजिक संस्थाको सहयोगमा उद्धार गरि ल्याएकाहरूलाई आज जनकपुरमा संघीय सरकारका महिला बालबालिका तथा ज्येष्ठ नागरिकमन्त्री नवलकिशोर साहको रोहबरमा परिवारलाई हस्तान्तर गरिएको उद्धारकर्ता नवीनराज जोशीले जानकारी दिनुभयो ।
पारिवारिक पुनर्मिलन कार्यक्रमअन्तर्गत बन्धकमा परेका नेपालीहरूलाई भारत रक्सौल हुँदै हिजो (बिहीबार) जनकपुरमा ल्याइएको थियो । उद्धार गरिएका सबैलाई धनुषा र सिरहाका प्रमुख जिल्ला अधिकरीले घरसम्म पुर्याएका छन् । बन्धकमा परेकाहरू १५ वर्षदेखि ५० वर्षसम्म उमेरका छन् ।
यो पनि...