काठमाडौं । नेपालको हवाई क्षेत्रको सुरक्षाका लागि तत्काल गम्भीर कदम चाल्नुपर्ने सुझाव सांसदहरूले दिएका छन् ।
संसद्को अन्तर्राष्ट्रिय सम्बन्ध र पर्यटन समितिको आजको बैठकमा सांसदहरूले हिजो भएको सौर्य एयरलाइन्सको विमान दुर्घटनाको निष्पक्ष छानबिन हुनुपर्ने माग समेत गरेका छन् ।
सिंहदरबारमा जारी बैठकमा नेपाली कांग्रेसका सांसद उदय शमशेर जबराले अध्यादेशबाट भए पनि नेपाल नागरिक उड्डयन प्राधिकरणलाई नियामक र सेवा प्रदायक निकायका रूपमा अलग्याउनुपर्ने सुझाव दिनुभयो । प्राधिकरणमा महानिर्देशक प्रदीप अधिकारीले नेतृत्व सम्हाले यतामात्रै ७ वटा हवाई दुर्घटनामा परिसकेको र उहाँले त्यसको नैतिक जिम्मेवारी लिनुपर्ने सांसद राणाको माग छ ।
यस्तै नेकपा एमालेका सांसद एकनाथ ढकालले हिजो दुर्घटना भएको विमानमा अनधिकृत व्यक्तिहरूको प्रवेशबारे अध्ययन गर्नुपर्ने बताउनुभयो । पूर्वपर्यटनमन्त्री सुदन किराँतीले सौर्य एयरलाइन्स दुर्घटनाको निष्पक्ष छानबिन हुनुपर्नेमा जोड दिनुभयो ।
