रौतहट । रौतहटको गौरबाट सशस्त्र प्रहरी बलले हतियारसहित एक भारतीय नागरिकलाई पक्राउ गरेको छ ।
गौर नगरपालिका २ महादेवपट्टिबाट भारतको सितामढी जिल्ला बैरगनिया-३ असोगीका राहुल रामलाई एक थान कटुवा पेस्तोलसहित सशस्त्र प्रहरी बलले पक्राउ गरेको हो ।
भारतबाट नेपालतर्फ आउँदै गरेको नम्बर नखुलेको मोटरसाइकललाई चेकजाँच गर्ने क्रममा मोटरसाइकलको टुल बक्समा हतियार फेला परेको सशस्त्र प्रहरी बलले जनाएको छ । पक्राउ परेका रामलाई आवश्यक कारबाहीका लागि जिल्ला प्रहरी कार्यालय रौतहटमा पठाइएको सशस्त्र प्रहरी बलको नम्बर ११ गणले जनाएको छ ।