सुर्खेत । सुर्खेतको कटकुवामा मिनी बस दुर्घटना हुँदा दुई जनाको मृत्यु भएको छ । दुर्घटनामा २१ यात्रु घाइते भएका छन् ।
मृत्यु हुनेमा दैलेखको डुंगेश्वर गाउँपालिका ६ का भीमसेन राना र बर्दियाको ठाकुरबाबा नगरपालिका ६ का ७० वर्षीय शेरबहादुर खड्का छन् । उनीहरुको घटनास्थलमै मृत्यु भएको जिल्ला प्रहरी कार्यालय सुर्खेतका डीएसपी वीरेन्द्रवीर विश्वकर्माले जानकारी दिनुभयो ।
घाइतेहरूको उपचारका लागि प्रदेश अस्पताल सुर्खेत र कर्णाली केयरमा उपचार भइरहेको छ । दैलेखको दुल्लु नगरपालिकाको भुकाँहदेखि सुर्खेतको वीरेन्द्रनगर आउँदै गरेको कर्णाली प्रदेश-०२-००१-ख-०८५२ नम्बरको मिनी बस सोमबार दिउँसो १ बजेतिर वीरेन्द्रनगर ६, कटकुवानजिक दुर्घटना भएको हो ।
