हुम्ला । बुधबार दिउँसो दोजामस्थित कर्णाली नदीमा नुहाउने क्रममा एक जना बच्चा बेपत्ता भएको प्रहरीले जनाएको छ । बेपत्ता हुनेमा सिमकोट गाउँपालिका-१ दोजामका बालक रहेका छन् । नदीमा नुहाउने क्रममा उनी बेपत्ता भएका हुन् ।
कर्णाली नदी नजिकै रहेको खेतमा काम गरिरहेका आमाबुवासँग गएका बालक दिउँसो १२ बजे गर्मी भयो भनेर नुहाउन गएका थिए । बेपत्ता भएका बालकको खोजीकार्य जारी रहेको जिल्ला प्रहरी कार्यालय हुम्लाले जनाएको छ ।
