जुम्ला । चिसो बढ्दै गएपछि जुम्लाको दैनिकी मुस्किल बन्दै गएको छ । मंसिर पहिलो सातादेखि नै तापक्रम माइनसमा झर्न थालेपछि जुम्लाका बासिन्दाको जनजीवन कष्टकर बन्दै गएको हो ।
जल तथा मौसम विज्ञान फिल्ड कार्यालयका अनुसार आइतबार राति जुम्लाको तापक्रम माइनस ४.७ डिग्रीमा ओर्लिएको जनाएको छ । बिजुलीको भरपर्दो व्यवस्था नभएको जुम्लामा चोकचोकमा आगो बालेर ताप्ने गरिन्छ ।
‘एकदमै चिसो बढेको छ । २/४ दिन भयो पुस नलाग्दै चिसो बढेको महसुस भएको छ,’ खलंगाका नवराज खड्काले भने, ‘जाडो बढेसँगै जताततै पानी जम्न सुरु गरिसकेको छ ।’
जुम्लामा तापक्रम माइनस ७ डिग्रीसम्म झर्ने गरेको छ । घरभित्र राखेको पानी जमेर बरफ बन्नुका साथै धाराको पानी पनि जम्न थालेको छ । चिसो बढ्दै गएपछि विद्यार्थीलाई विद्यालय पुग्न पनि समस्या हुने गरेको छ । चिसोका कारण यहाँका विद्यालयहरु पुस र माघ दुई महिना बन्द हुने गरेका छन् ।
यो पनि...
