काठमाडौं । इजरायलमा रहेका नेपालीको अवस्थाबारे प्रधानमन्त्री पुष्पकमल दाहालले त्यहाँ रहेका विद्यार्थीसँग फोनसंवाद गरेका छन् ।
उनले इजरायलमा रहेका नेपालीहरुको चाँडो उद्धार गर्न आफू र सरकार लागिपरेको जनाएका छन् । उनले सुदूरपश्चिम विश्वविद्यालयबाट गएका विद्यार्थी विपिन सुवेदीसँग संवाद गरेका हुन् ।
उनले त्यहाँ रहेका सबै नेपालीप्रति चासो रहेको नियमित अपडेट लिइरहेको जनाएका थिए । ‘यही विषयको लागि अहिले क्याबिनेटको बैठक पनि बोलाइएको छ । सर्वदलीय बैठक पनि बोलाइएको छ । इजरायली राजदूतावासमा पनि लगातार कुरा भइराखेको छ । सायद अहिले परराष्ट्रमन्त्रीस्तरमा पनि कुरा होला,’ प्रधानमन्त्री दाहालले आश्वास्त पार्ने प्रयास स्वरुप भने ।
प्रधानमन्त्री दाहालले इजरायलमा रहेका विद्यार्थी विपिन सुवेदीसँग गरेको कुराकानी
प्रधानमन्त्री दाहाल : सुदूरपश्चिमको सबै विद्यार्थीहरुको नेतृत्व गरेको हो ?
विपिन सुवेदी : हो हो हो ।
प्रधानमन्त्री दाहाल : यहाँ रमेशजी (प्रधानमन्त्रीका स्वकीय) सँग तपाईंको लगातार कुरा भइरहेको थाहा पाइरहेको छु ।
विपिन सुवेदी : हजुर ।
प्रधानमन्त्री दाहाल : अहिले परराष्ट्रमन्त्रीसँग कुरा पनि भई नै हाल्यो । हामी अस्तिदेखि नै लगातार लागिरहेका छौं । स्थिति एउटा विस्तारै उस् अवस्थामा आइरहेको छ । यही विषयको लागि अहिले क्याबिनेटको बैठक पनि बोलाइएको छ । सर्वदलीय बैठक पनि बोलाइएको छ । इजरायली राजदूतावासमा पनि लगातार कुरा भइराखेको छ । सायद अहिले परराष्ट्रमन्त्रीस्तरमा पनि कुरा होला ।
यो सबै कुरा तपाईंले त्यहाँ सबै विद्यार्थीहरुलाई कम्युनिकेट गरिदिनुपर्यो । र एकथरी मान्छे त्याँ ह्याभोक क्रियट गर्ने हुन्छन् । एकआध मान्छेहरु झुटोमुटो कुरा गरेर साथीहरुलाई...
विपिन सुवेदी : सबै जनालाई भन्दिइसकें ।
प्रधानमन्त्री दाहाल : अँ अँ ।
विपिन सुवेदी : अहिलेको अवस्थामा एकजोर कपडा र पासपोर्ट ब्यागमा हालेर रेडी भएर बस्नुस् । अनि लाइभ लोकेसन सेयर गर्नस् भनें । केयर गर्नुस् भनें । सबैजना रेडी हुनुहुन्छ ।
प्रधानमन्त्री दाहाल : थ्याङ्कु विपिनजी । रमेशजीसँग कम्युनिकेसनमा बस्नुस् ल ।
विपिन सुवेदी : हामीलाई छिटोभन्दा छिटो नेपाल फकाईदिनुस् ।
प्रधानमन्त्री दाहाल : ल.. ल । हामी त्यो तयारी गरिरहेका छौं । सक्रियताको साथ गरिराखेका छौं । ल.. हस् त ल ।
विपिन सुवेदी : हस् ।
