काठमाडौं । ललिता निवास जग्गा प्रकरणमा थप चार जना पक्राउ परेका छन् ।
भाटभटेनी सुपरमार्केटका सञ्चालक मीनबहादुर गुरुङलाई पक्राउ गरेलगत्तै केन्द्रीय अनुसन्धान ब्युरो (सीआईबी) ले भूमि सुधार तथा व्यवस्था विभाग र मालपोत कार्यालय डिल्लीबजारका तत्कालीन कर्मचारीलाई नियन्त्रणमा लिएको हो ।
ललिता निवास जग्गा हिनामिना प्रकरणमा उनीहरुलाई पक्राउ गरिएको हो ।
पक्राउ पर्नेहरुमा मालपोत कार्यालय, डिल्लीबजारका तत्कालीन प्रमुख कलाधर देउजा, कर्मचारी सुरेन्द्रमान कपाली, धर्मप्रसाद गौतम र भुपेन्द्रमणि केसी छन् । उनीहरुलाई काठमाडौंका विभिन्न ठाउँबाट पक्राउ गरिएको हो ।
