काठमाडौं । नवनियुक्त प्रधानन्यायाधीश हरिकृष्ण कार्कीले पद तथा गोपनियताको सपथ लिएका छन् । शितल निवासमा आज आयोजित समारोहमा राष्ट्रपति रामचन्द्र पौडेलले कार्कीलाई सपथ गराएका हुन् ।
नवनियुक्त प्रधानन्यायाधीश कार्कीले आजै सर्वोच्च अदालतमा पुगेर पदभार ग्रहण गरेका छन् । यसअघि आजै बसेको संसदीय सुनवाइ समितिले प्रधानन्यायाधीशमा कार्कीलाई सर्वसम्मत अनुमोदन गरेको थियो ।
उनी सर्वोच्चमा ८ महिनादेखि कायममुकायम प्रधानन्यायाधीशका रुपमा काम गर्दै आएका थिए । सुनवाई समितिले कार्कीसँग कार्ययोजना र उजुरीबारे जानकारी लिएको थियो । कार्कीले आफूले इमानपूर्वक काम गरेको र सुधारका लागि प्रयास जारी राख्ने बताएका छन् । कार्कीले जवाफ दिएपछि बाहिरिए लगत्तै समितिले सर्वसम्मत अनुमोदन गर्ने निर्णय गरेको थियो ।
कार्की वैशाख २५ गते प्रधानन्यायाधिशका लागि सिफारिस भएका थिए । प्रधानन्यायाधीशबाट उमेर हदका कारण कार्की साउन २० गते अनिवार्य अवकाशमा जानेछन् ।
