काठमाडौं । टीकापुर घटनामा दोषी ठहर भएका पूर्व सांसद रेशम चौधरीको बाँकी कैद सजाय माफी गरी सरकारले छुटाउने तयारी अघि बढाएको भन्दै पीडित परिवारले आक्रोश पोखेका छन् ।
टिकापुर घटनामा मारिएका प्रहरी जवान लोकेन्द्रबहादुर चन्दकी श्रीमती पशुपति चन्दले अदालतको आदेशपछि थोरै भए पनि न्यायको अनुभूति पाएका पीडितहरूलाई चौधरीलाई छुटाउने सरकारी प्रपञ्चले घाउमा नुन चुक छर्किने काम भएको बताइन् ।
२०७२ भदौ ७ गते कैलालीको टीकापुरमा भएको प्रदर्शन हिंसात्मक झडपमा परिणत भएको थियो। घटनामा प्रहरी वरिष्ठ उपरीक्षक लक्ष्मण न्यौपाने तथा डेढ वर्षीय बालक टेकबहादुर साउद सहित आठ जनाको ज्यान गएको थियो।