बारा । जिल्ला प्रशासन कार्यालय बारामा ३ हजार १५ जना मिटरब्याजीपीडितले उजुरी दिएका छन् ।
अनुचित लेनदेन जाँचबुझ आयोगले जेठ १४ गतेसम्म म्याद थप गरेपछि बारामा उजुरी दिनेहरू बढेका हुन् । उजुरीमा मिटरब्याजीहरुले लिएको ऋणभन्दा बढी रकमको कागज बनाएको, तिर्दै गए पनि अझ धेरै ऋण बाँकी देखाएर दोस्रो कागज बनाएको उल्लेख छ ।
यस्तै घर, घडेरी आफ्नो नाममा गराएको, ऋण तिरे पनि कागज आफ्नै नाममा राखेको जस्ता उजुरी दर्ता भएको जिल्ला प्रशासन कार्यालय बाराले जनाएको छ ।
