फाइल तस्बिर
मकवानपुर । मकवानपुरमा ट्याक्टर दुर्घटना हुँदा तीन जनाको मृत्यु भएको छ ।
मकवानपुरको मनहरि–३ स्थित कालिदमार भन्ने स्थानमा गएराति मधेस प्रदेश ०३–००१त ७१८८ नम्बरको ट्याक्टर अनियन्त्रित भई पल्टिएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक टेकबहादुर कार्कीले जानकारी दिए ।
उनकाअनुसार उक्त दुर्घटनामा तीन जनाको मृत्यु र अन्य दुई जना घाइते भएका छन् ।
दुर्घटनामा मनहरि–३ का २० वर्षीय प्रवीण प्रजा, सोही स्थानका २४ वर्षीय राजकुमार प्रजा र ट्याक्टर चालक ३० वर्षीय वीरमान रुम्बाको मृत्यु भएको प्रवक्ता कार्कीले बताए ।
दुर्घटनामा मनहरी–३ का अमृत प्रजा र जोखलाल प्रजा घाइते भएका छन् । घाइतेको हेटौँडास्थित चुरेहिल अस्पतालमा उपचार भइरहेको प्रहरीले जनाएको छ।
