काठमाडौं । नेकपा माओवादी केन्द्रबाट अमनलाल मोदी संघीय मामिला तथा सामान्य प्रशासनमन्त्री बन्ने भएका छन् ।
माओवादी केन्द्रले सुशीला श्रीपालीलाई भने संस्कृति, पर्यटन तथा नागरिक उड्डयन राज्यमन्त्री बनाउने भएको छ ।
सत्ता गठबन्धनमा भएको भागबन्डामा चार मन्त्री र एक राज्यमन्त्री पाएको माओवादीले सरकारमा पठाउने तीन मन्त्री र एक राज्यमन्त्रीको नाम टुंगो लगाएको हो ।
यसक्रममा रेखा शर्मा सूचना, सञ्चार तथा प्रविधिमन्त्री र सुदन किराती संस्कृति, पर्यटन तथा नागरिक उड्डयनमन्त्री बन्ने भएका छन् ।
शर्मा, किराती, मोदी र श्रीपालीले नयाँ अनुहारको रुपमा सरकारमा सहभागी हुँदै छन् ।
यसअघि नै माओवादीबाट प्रधानमन्त्री पुष्पकमल दाहाल र उपप्रधानमन्त्री एवं भौतिक मन्त्रीमा वरिष्ठ उपाध्यक्ष नारायणकाजी श्रेष्ठले जिम्मेवारी लिइसकेका छन् ।
