काठमाडौं । राष्ट्रिय प्रजातन्त्र पार्टी (राप्रपा) ले सर्तसहित सरकार सहभागी हुने जनाएको छ ।
राप्रपाको कार्यसम्पादन समितिको बैठकले सरकारलाई समर्थन गरेका राजनीतिक दलका बीच न्युनतम साझा कार्यक्रम तय गरेर सहमति भएपछि मात्रै सरकारमा सहभागी हुने निर्णय गरेको प्रवक्ता मोहन श्रेष्ठले जानकारी दिए ।
सरकारमा सहभागी हुन राप्रपाले मन्त्रिपरिषद्का निर्णयसमेत अख्तियार दुरुपयोग अनुसन्धानको छानबिनको दायरामा ल्याउनुपर्ने, कृषि, स्वास्थ्यजस्ता क्षेत्रमा सेवाग्राहीलाई बिना झन्झट सेवा प्रवाह गर्नुपर्ने सर्त अघि सारेको छ । त्यसैगरी, राप्रपाले पृथ्वी जयन्तीलाई राष्ट्रिय एकताको दिवस मनाउनु पर्ने र सार्वजनिक बिदा दिनुपर्ने सर्त पनि अघि सारेको छ ।
संघीय संसद्मा १४ सिट रहेको राप्रपाले पुष्पकमल दाहाल नेतृत्वको वर्तमान सरकारलाई समर्थन गरेको छ । तर सरकारमा सहभागी भएको छैन ।