एजेन्सी। अमेरिकाले ताइवानलाई ११ अर्ब डलर बराबरको हतियार बिक्री गर्ने घोषणा गरेको छ । डनल्ड ट्रम्पको दोस्रो कार्यकाल सुरु भएपछि ताइवानसँग गर्न लागेको यो दोस्रो हतियार बिक्रीको सम्झौता हो ।
अमेरिकाले अत्याधुनिक रकेट लन्चर, मिसाइल लन्चरलगायतका हतियार बिक्री गर्ने घोषणा गरेको हो । तर, हतियार बिक्रीको यो प्याकेजको अमेरिकी कंग्रेसले अनुमोदन गर्न भने बाँकी छ ।
तर, चीनले भने अमेरिकी घोषणाको विरोध गरेको छ । यो घोषणाले चीनको सार्वभौमसत्ता, सुरक्षा र क्षेत्रीय अखण्डतालाई गम्भीर रुपमा कमजोर पार्ने चीनको दाबी छ । उता ताइवानले अमेरिकालाई धन्यवाद दिँदै यो सम्झौताले आफ्नो मुलुकको बलियो प्रतिरोध क्षमता निर्माण गर्न मद्दत पुग्ने जनाएको छ ।
अमेरिकाको औपचारिक कूटनीतिक सम्बन्ध बेइजिङसँग भएपनि ताइवानको सबैभन्दा बलियो सहयोगीका रुपमा रहँदै आएको छ । चीनले भने ताइवानलाई आफ्नो प्रान्तका रुपमा हेर्ने गर्छ ।
