काठमाडौं । युक्रेनले 'ब्ल्याक सी' हुँदै अघि बढिरहेका रूसका दुई तेल ट्यांकरमाथि आक्रमण गरेको छ ।
रूसको अन्तर्राष्ट्रिय तेल व्यापारलाई प्रभावित गर्न युक्रेनको सैन्य ड्रोनले आक्रमण गरेको बीबीसीले जनाएको छ । टर्किस अधिकारीहरूका अनुसार शुक्रबार काइरोस र विराट नामक दुई ट्यांकरलाई निशाना बनाइएको हो । यी दुबै ट्यांकरमा गाम्बियाको झन्डा अंकित थियो । टर्कीको तट हुँदै अघि बढिरहका बेला 'ब्ल्याक सी'को दक्षिण-पश्चिम र पूर्वी क्षेत्रमा आक्रमण गरिएको बताइएको छ ।
सन् २०२२ मा रुस र युक्रेनबीच युद्ध सुरू भएयता हजारौं मानिस मारिएका छन् भने लाखौं घरबारविहीन भएका छन् । पछिल्लो समय अमेरिकाको मध्यस्थतामा दुबै देश शान्ति वार्ताका लागि सकारात्मक देखिए पनि युद्ध रोकिएको छैन ।
.png&w=350&height=150)
