काठमाडौं । भारतको उत्तर प्रदेशको हाथरसमा एउटा धार्मिक सत्संगमा भागदौड मच्चिँदा ५० जनाको मृत्यु भएको छ । मृत्यु हुनेमा अधिकांश महिला छन् । घटनामा अन्य कयौं मानिस घाइते भएको र मृतकको संख्या अझ बढन सक्ने जनाइएको छ । घाइतेको स्थानीय अस्पतालमा उपचार भइरहेको छ ।
एक जना स्थानीय धार्मिक गुरुको सम्मानमा सत्संग आयोजना गरिएको हो । सत्संग समाप्त भएलगत्तै मानिसहरु बाहिरिने क्रममा भागदौड मच्चिएको प्रत्यक्षदर्शीले बताएका छन् ।
मुख्यमन्त्री योगी आदित्यनाथले मृतकका परिवारप्रति दुःख व्यक्त गर्दै घटनाको छानबिन गर्न प्रहरी अतिरिक्त महानिर्देशकको नेतृत्वमा समिति गठन गरेका छन् ।
