काठमाडौं । चिकित्सा शिक्षा र स्वास्थ्य सेवा सुधारका अभियन्ता डाक्टर गोविन्द केसीले कैलालीको गेटा मेडिकल कलेजबाट सत्याग्रह सुरू गर्नु भएको छ ।
मेडिकल कलेजको सिट संख्या बढाउने सरकारको निर्णय फिर्ता लिन माग गर्दै डाक्टर केसीले सत्याग्रह सुरू गर्नु भएको हो । चिकित्सा शिक्षा र स्वास्थ्य सेवाको गुणस्तरमा प्रत्यक्ष नकारात्मक असर पर्ने र स्वार्थपरक रूपमा गरिएको निर्णय फिर्ता लिनुपर्ने उहाँको माग छ ।
सरकारले हालै निजी मेडिकल कलेजका लागि १३ सय ५९ सिट थप गर्ने निर्णय गरेको थियो । तर सरकारी मेडिकल कलेजमा भने सिट संख्या थप गरिएको छैन ।
