वैदेशिक रोजगारीमा रहेका नेपालीलक्षित सामसंङकाे नयाँ अभियान सार्वजनिक

काठमाडौं । वैदेशिक रोजगारीमा रहेका नेपालीलाई लक्षित गर्दै सामसंङ नेपालले सपनादेखि सम्भावनासम्म अभियान सार्वजनिक गरेको छ।

विदेशबाट नेपालमा रेमिट्यान्स पठाउने नेपालीलाई सामसङ रेमिटमा अफर अभियानमार्फत एनसेल, खल्ती र आइएमइ तथा हुलासलगायतका साझेदारसँग मिलेर रेमिट्यान्समा निर्भर परिवारलाई लाभ दिने लक्ष्य राखेको छ । 

त्यसका लागि सामसङका उत्पादन खरिदमा विशेष लाभ दिइने र एनसेल रिचार्जमा बोनस डाटा, २४ महिनासम्मको इएमआइ र क्यासब्याक जस्ता योजना ल्याइएको छ ।

अभियानले सामसङ इनोभेसनमार्फत जीवन जोड्ने र आधिकारिक उत्पादन छनोट गर्ने महत्वलाई जोड दिएको कम्पनीले जनाएको छ ।

यस्ताे छ सामसंङ नेपालद्वारा जारी गरिएकाे विज्ञप्ति 

सामसंग नेपालद्वारा "सपनादेखि सम्भावनासम्म" अभियान सार्वजनिक : वैदेशिक रोजगारीमा रहेका नेपालीका सपनालाई सम्मान गर्ने प्रतिबद्धता

नेपालमा अग्रणी मोबाइल तथा कन्ज्यूमर इलेक्ट्रोनिक्स ब्रान्डको रूपमा सशक्त सामसंग नेपाल ले आज "सपनादेखि सम्भावनासम्म" नामक नयाँ अभियान सार्वजनिक गरेको छ। यस अभियानले वैदेशिक रोजगारीमा रहेका नेपालीहरूको योगदानलाई उजागर गर्दै उनीहरूले परिवार र देशका लागि खेलेको महत्वपूर्ण भूमिकालाई सम्मान गर्दछ। यसले सामसंगको इनोभेसनमार्फत जीवन जोड़ने उद्देश्यलाई पनि सशक्त बनाउँछ ।

यस अभियानअन्तर्गत सामसंगले "Samsung Remit मा Benefit" नामक पहल सार्वजनिक गरेको छ, जसले रेमिटेन्समा निर्भर परिवारलाई थप सहजता र लाभ प्रदान गर्ने लक्ष्य राखेको छ। यो अफर अप्रिल २४ देखि उपलब्ध हुनेछ ।

रेमिटेन्सलाई नेपालको अर्थतन्त्रको प्रमुख आधार मान्दै, यस अभियानले वैदेशिक रोजगारीमा रहेका नेपालीलाई राष्ट्र निर्माणका मुख्य आधारका रूपमा सम्मान गर्दछ । साथै, सामसंगका Al- सक्षम डिभाइसहरूले उनीहरूको परिवारको दैनिक जीवनलाई अझ स्मार्ट कनेक्टेड र अर्थपूर्ण बनाउँछन्। सामसंगले सजिलो र सहज प्रयोग अनुभवमार्फत जीवनलाई सरल बनाउँछ।

यस पहलअन्तर्गत सामसंगले IME Remit, Ncell, Khalti by IME र Hulas Fin Serve Ltd. सँग मिलेर Samsung का उत्पादन खरिदमा विशेष लाभहरु उपलब्ध गराएको छ। यसमा Ncell रिचार्जमा बोनस डाटा, २४ महिनासम्मको सजिलो EMI, र Khalti मार्फत क्यासब्याक जस्ता सुविधा समावेश छन्, जसले रेमिटेन्समा आधारित परिवारलाई थप मूल्य र सहजता दिनेछ। यो अफर विदेशबाट नेपालमा रकम पठाउने व्यक्तिहरुका लागि मात्र उपलब्ध हुनेछ।

यस अभियानले दीर्घकालीन विश्वसनीयता, वारेन्टी र सहज इकोसिस्टम अनुभवका लागि आधिकारिक उत्पादन छनोट गर्ने महत्त्वलाई पनि जोड दिएको छ।